Patay ang target drug personality sa ginpatigayon nga drug buy-bust operation sang gintingob nga pwersa sang Polomolok MPS, RID 12, SCPMFC 2ND COY, RMFB kag 5th SFBN sa Prk. 1, Barangay Koronadal Proper, Polomolok, South Cotabato.
Ginkilala ang suspek kay Jafar Mahinan Ewa, 25-anyos, single, jobless kag residente sang Prk 4B, Brgy. Koronadal Proper, Polomolok, South Cotabato.
Namutikan suno pa sang suspek nga polis ang nakatransaksyon sini rason nga gilayon nga nagkuha sang armas luthang sa U-box sang ginamaneho nga tricycle kag gintiro ang Police Poseur buyer kag iban pa nga miyembro sang team.
May-angot sini, nakaangkon sang igo sang bala ang suspek nga gilayon naman nga gindala sa Polomolok Municipal Hospital, apang gindeklarar nga dead on arrival sang attending physician.
Nakuha naman sa gintabuan sang insidente ang armas luthang, sling bag nga may unod nga 5 ka heat sealed transparent cellophane sachet sang suspected shabu; P500.00 buybust money kag iban pa.
Nagalab-ot naman sa isa ka gramo ang nakuha nga shabu nga nagakantidad sa P6, 860.00.
Samtang base sa imbestigasyon sang Polomolok MPS ang suspek ang aktibo suno pa nga miyembro sang Daulah Islamiyah (DI)-SOCSKSARGEN Khatiba sa idalom sang Tadoy Group kag suspetsado man sa shooting incident sang Enero 5, 2021, alas 07:30 sang aga sa Purok 9, Brgy Koronadal Proper, Polomolok, South Cotabato nga ang biktima ang ginkilala kay Ulysis Paez Pitalgo.
