GENERAL SANTOS CITY – Nagpabilin sulod sa surgical ward sa Dr. Jorge Royeca Hospital ang suspek sa anti-drug entrapment operation human nakaangkon og gunshot wound sa iyang walang batiis human napusilan sa pulis samtang gisulayan niyang modagan atol sa pagsikop kaniya.
Giila ang suspek sa pangalang Lemuel Abayon hamtong ang edad og residente sa Purok 2 Barangay Katangawan nga nakuhaan og onse ka pakete sa iligal nga drogang shabu kauban ang marked money nga 500 pesos.
Nasayran nga nakamatikod ang suspek nga may pulis nga kauban ang civilian informant nagsumbong sa iyang iligal nga aktibidad hinungdan nga nidagan aron makasibat.
Apan gigukod kini sa mga sakop sa City Police Drug Enforcement Unit og naapsan nilang PO2 Daymiel og SPO1 Alicaya og nisulay nga ilugon ang issued firearms sa pulis.
Tungod sa hitabo napugos nga i-neutralize ni SPO1 Alicaya ang suspek pinaagi sa pagpasalbar igo sa batiis sa suspek.
Giandam na ang kasong pagsupak sa Comprehensive Dangerous Drugs Act of 2002 batok sa suspek human narekober ang nagbalor og 23 mil pesos nga kantidad sa shabu.
For more info’s and updates, like and share our official facebook account : www.facebook.com/ifm91.9Gensanofficial/
