General Santos City—Patay ang usa ka target sa gihimong buy-bust operation sa tropa sa Police Station 4 nga si Eric Obeso, legal age, residente ning dakbayan sa Gensan.
Gihimo matud pa ang operasyon alas 5:00 pasado ang takna sa hapon sa Guinto Steet, Lower Matibay, Barangay San Isidro, Gensan diin napalitan ug usa ka sachet sa gituohang shabu ang suspek.
Samtang ginahimo ang transaksyon, nakamatikod ang suspek nga mga police ang nakigtransaksyon kaniya mao nga kalit kining mibunlot ug pusil dayon nagpabuto.
Didto na mibalos ang kapulisan diin naigo sa iyang lawas ang biktima nga hinungdan sa iyang kamatayon. Nasayran nga gidala pa sa Dr. Jorge Royeca Hospital ang suspek apan gideklara kining dead on arrival.
Narekober sa lugar ang usa ka kalibre 38 nga pistola ingon man laing 6 ka sachet sa gituohang shabu.
