General Santos City—Patay ang usa ka Brando Awal, 39 anyos nga taga Purok Quilantang, Barangay Calumpang, Gensan human nga misukol atol sa gihimong operasyon sa mga personahe sa Police Station 5, alas 11:20 ang takna sa gabie didto mismo sa panimalay sa suspek.
Nasayran nga naglusad ug buy-bust operation ang mga personahe sa kapulisan batok sa suspek apan samtang gihimo ang transaksyon nakamatikod ang suspek nga police ang iyang kaestorya mao nga misukol kini sa otoridad.
Apan luyo paman niini, naunhan gihapon sa kapulisan ang suspek mao nga napusilan sa nagkadaiyang parti sa kalawasan nga hinungdan sa iyang kamatayon.
Gidali pa kini ug dala sa Dr. Jorge Royeca Hospital apan gideklara kining dead on arrival.
Narekober ang usa ka sachet sa shabu, marked money ug usa ka unit sa homemade nga pistola sa posisyon ni Awal.
Matud ni Police Major Richard Yvañez, hepe sa Police Station 5 nga si Awal ang lambigit sa pipila ka krimen sa dakbayan sama nalang sa snatching, pagpangawat hold-up, illegal drugs ug uban pang krimen.
