General Santos City—Patay ang usa ka target sa gipahigayong buy-bust operation sa hiniusang pwersa sa Tambler PNP ug RPDEU human kining misukol sa otoridad.Nahitabo ang operasyon sa may Purok La Vista, Barangay Tambler ning syudad alas 12:20 ang takna sa udto kagahapong adlawa.
Naila ang suspek nga si Bimbo Datumangoda Soliman Alyas “Datz”, 30 anyos, residente sa Block 4, Purok 11-A, Barangay Fatima, Gensan.
Nasayran nga positibong napalitan ug iligal nga droga ang suspek sa Police nga nagpakarong-ingnong poseur buyer apan samtang gipahigayon ang transaksyon nakamatikod ang nasangpit nga mga Police ang iyang katransaksyon mao nga nibunlot kini ug Pusil dayon gipabuthan ang personahe sa kapulisan.
Tungod niini walay mahimo angbkapulisan kon dili sa pagbalos ug pusil sa suspek nga miresulta sa iyang kamatayon.
Nasayran nga gidala pa sa ospital ang suspek apan gideklara kining dead on arrival.
Nakuha sa lugar ang usa ka sling bag nga adunay sulod nga 19 ka sachet sa gituohang shabu ug marked money nga P500.00 ingon man ang cal. 38 revolver nga pusil.
Sa karaon ginasuta pa sa kapulisan kung kinsa pa ang mga kaubanan sa suspek sa pagpayuhot ug iligal nga droga apil na ang supplier niini ug shabu.
