GENERAL SANTOS CITY- Dead on arrival ang nahimong deklarasyon sa resident doctor sa Dr. Jorge Royeca Hospital human gidala ang nagkadugo nga lawas sa suspek sa operasyon sa kapolisan human misukol sa Malapatan probinsya sa Sarangani niaging gabie.
Ang suspek naila sa pangalang SDA Ogan Landiles, 40 anyos og mag-uuma nga residente sa Purok Dos, Tocablao, Barangay Patag sa maong munisipyo.
Ang suspek nga si Landiles adunay arrest warrant sa kasong frustrated murder, grave threat ug slight physical injuries.
Sumala kay Police Major Jojit Nicolas, hepe sa Malapatan PNP nga gisilbi nila ang warrant sa suspek didto sa iyang panimalay.
Armado matod pa ang suspek nga si Landiles og armas nga .38 revolver na iyang gikasa hinungdan nga gipusil sa mga pulis.
Adunay gunshot wounds sa kilid nga bahin sa lawas ang nasangpit.
For more info’s and updates, like and share our official facebook account : www.facebook.com/ifm91.9Gensanofficial/
[image: NISUKOL NAPUSILAN.jpg]
