Task Force Bantay Karne sang NMIS 12 nakaactivate, baligyaanay sang karne sang baboy hugot nga ginamonitor.

Hugot sa subong nga ginamonitor sang National Meat Inspection Services ukon NMIS 12 ang baligyaanay sang karne sa rehiyon partikular na sang baboy nga dapat may-yara gid sang meat inspection certificate nga pamatuod nga ang ginabaligya nga karne ang safe for public consumption.
Suno kay NMIS 12 Regional Director Myrna Habacon ang nasambit nila nga tikang ang tungod sa ginpaggwa nga administrative order no. 4 ni Department of Agriculture Secretary William Dar angot sa food safety measures kadungan sang pagpositibo sang pipila ka baboy sa Luzon sa African Swine Fever ukon ASF.
Samtang sa subong suno kay RD Habacon nakaactivate ang Task Force Bantay Karne sang ahensya kag wala pa sang dapat nga kabalak-an angot sa ASF ang rehiyon dose.
Ginkumpirmar niya man nga wala naga-import sang karne sang baboy ang rehiyon dose tungod ang supply sa mga merkado ang halin lang dire.