Naghulma ang kapolisan sa dakbayan sa Lapulapu ug usa ka task force aron mototok sa imbistigasyon sa pagpusil-patay sa usa ka kanhi pulis sa maong syudad.
Ang hepe sa Lapulapu City Police Office nga si Sr. Supt. Limuel Obon nikompirmar nga bag-o pa lang niretiro ang biktima nga si kanhi SPO2 Willy Amores .
Si Amores gipusil sa riding in tandem sa M.L. Quezon Highway sa Marcelo Fernan Bridge habig na sa Barangay Pusok sa Lapulapu pasado alas 3:00 sa kadlawon.
Ang kapolisan nagtukod ugTask Force Willy aron moimbistigar sa insidente .
Si Amores nagsakay sa iyang motorsiklo ug adunay angkas nga babaye dihang kini gipusil.
Nahanaw usab ang bag sa biktima nga gidudahang gikuha sa mga suspek human sa hitabo.
Facebook Comments
