General Santos City–Aduna nay ginasundan nga lead ang Special Investigation Task Group Hamungaya kabahin sa nahitabong pag busikad sa IED sa lungsod sa Isulan duha ka adlaw ayha ang Culminasyon sa ilahang Hamungaya Festival.
Sumala pa ni PS/Supt Oliver Enmodias ang labaw sa SITG-Hamungaya nga sa karon aduna na silay mga person of interest nga responsible sa maong panghitabo apan padayon pa ang ilahang ginahimong makuting imbistigasyon aron masuta kung kay kinsa nga signature ang bomba nga gigamit.
Ginakompara pa usab karon sa EOD sa Sultan Kudarat Provincial Police Office ang mga ibidensya nga nakuha sa explosion site sa mga bombing una na nilang narecover sa rehiyon aron nga masiguro kung kinsa ang grupo nga nagpaluyo niini.
Dugang pagbutyag ni PS/Supt Enmodias nga adunay pag kapareho ang bomba nga mibuto sa isulan sa mga bomba nga gin gamit sa grupo nga BIFF apan dili pa nila direktang matumbok nga ang maong grupo mao gyud ang responsabli niini. (Dave Silagan)
