Gimando karon ni Cagayan de Oro City Mayor Oscar Moreno nga subling i-activate ang Task Force Hapsay Highway.
Gitahasan sa mayor si City Administrator Teodoro Sabuga-a nga makig-coordinate kang Land Transportation Office Director Oscar Salcedo alang sa maong katuyoan.
Matud ni Sabuga-a nga gusto ni Moreno nga subling i-activate ang task force aron masigurong dili na masubli ang vehicular accident nga mipatay ni Department of Public Works and Highways Engr. Ifour Manduro.
Mahinumduman nga ang pick-up nga gimaneho ni Manduro nabangga sa crane truck nga naa sa tunga sa highway sa Barangay Gusa.
Gidugang ni Sabuga-a nga gusto sa mayor nga magpadayon ang trabaho sa task force aron kanunayng luwas sa peligro ang mga highway ning syudad.
Facebook Comments
