Gikonsidera sa City Health Office kon CHO Malaybalay ang pagmugna ug task force nga maoy mututok sa firecrackers kon pabuto sa siyudad.
Ang mao nga lakang subay sa nagsingabot nga pagsaulog sa Pasko ug pagsugat sa Bag-ong Tuig.
Sa interview sa RMN Malaybalay ngadto kang Grace Lingcasan ang health education and promotion officer sa CHO gibutyag niini nga gisugyot nila ang pamugna ug task force on firecrackers ban.
Nasayran nga gawas sa mga kabataan sa tulunghaan, gilambigit usab karon sa CHO ang mga barangay officials.
Gibutyag pa ni Lingcasan nga hingpit nang gibawal ang pipila ka mga firecrackers sama sa kwitis, piccolo ug uban pa.
Gipahinumdom pa niini nga nagkinahanglan nga tumanon sa mga magbaligya ang mga requirements nga gitakda sa dili pa makabaligya sa mga pabuto.
