Davao City – Aron mapadali ang imbestigasyon sa kaso, nagmugna karon ang Tagum City Police Office og usa ka Special Investigation Task Force (SITF) batok sa mga nagpaluyo sa QuestLink Digital Marketing Services, usa ka investment scheme sa Tagum City, Davao del Norte.
Sa pakighinabi sa DXDC RMN Davao kang Police Col. Ferlu Silvio, ang Police Director sa Davao Del Norte, gibutyag niini nga mas mapadali ang imbestigasyon labi na nga adunay pormal nga mireklamo.
“We are forming a Special Investigation Task Force (SITF) nga nagsugod pa para ni sya para atong QuestLink kay naa na may nag complain. Dako-dako man gud to siya kay dili pud to siya taga diri,” saysay ni Silvio.
Kahinumduman nga personal nga midangop sa kapulisan ang coordinator sa QuestLink nga si Christian Etabes ug andam nga mahimong state witness sa kaso batok sa mga nagpailang Chief Executive Officer (CEO) nga si Kenneth Paz Nagas ug Rogie Sabando, operation manager/trader human nga gisibat sa nahisgustan ang P200M gikan sa mga investors.
RadyoMaN Kirby Manzon
