TASK GROUP BAD-AS TAGMUGNA PARA MAPADALI AN PAGBUHI SA DUHA KA TAGDAGIT NA PULIS NAN TAGTUOHANG NPA SA BRGY. BAD-AS, PLACER, SURIGAO DEL NORTE
Human an pagdagit sa duha ka pulis na sila PO2 John Paul M. Doverte ug PO2 Alfredo L. Degamon Jr. adton Nobyembre 13,2017, tagmugna an Special Investigation Task Group (SITG) BAD-AS ini para sa paspas na imbestigasyon may kalabutan sa panghitabo lakip an pagsang-at nan kaso, paghanap nan ebidensiya ug iban pa.
Una na nagtigom an mga otoridad sa pagpanguna ni Police Senior Supt. Antony Maghari kaiban sila ni Supt. Dionesio Pingos na nanguyo sa Investigation Division nan probinsiya, lakip sila Chief Inspector Dick Cale nan CIDG, Chief Inspector Miraflor Tiu nan Provincial Crime Laboratory, Chief Inspector Manolito Parazo,an Chief of Police nan Placer, Chief Inspector Shalom Faye Cornelio nan Public Community Relations, Senior Inspector Ernesto Marcos Jr. nan Intelligence Division ug PO3 Art B Lumongsod nan PNP Region 13.
Sa tigom nanhingusog si Senior Supt. Maghari sa pag-awhag sa iban na miyembro sa Task Group sa pagpadajon sa imbestigasyon ug posible na pagsang-at nan kaso batok sa tagsuspetsuhang New People”s Army.
