Salvao ya na peligro el man tata-y-anac despues canila ya tira serca na diila residencia adentro del Betty 2, Drive, Sta. Catalina del Martes denoche.
Ta recopera ya na hospital canda Samuel Solis y Torres, 40, casao quien ya sostene irida de tiro na su estomago y na esquierda parte del cuerpo mientras consu hijo ya tupa un bala na esquierda pies.
Si Solis ya puede conose con el triggerman como si Carlos Permajin y Tan alias Aki, alias A lot, 57, casao de Betty I Drive, del mismo barrio.
Asegun con el pulis alas 6:45 del noche Solis ta empaqueta carbon na casa cuando ya llega si Permajin ya planta pusil na su cabesa y ya tira pero ya puede desbija si Solis y ya tupa su estomago y consu anac.
El suspechao ya escapa despues del incidente.
Con el maga victima ya lleva na hospital.
