ZAMBOANGA CITY– Na calaboso ahora el un 67 año de edad tata despues este ya lancia consu solterito anac na Presa, Curuan del Wedbes por la noche.
El pulis na nombra con el suspechao como si Jaime Salvador, casao del mencionao lugar.
Asegun na report del pulis alas 7 del noche cuando este tata bien buracho ya bolbe na diila casa y derefente ya lang ya saca puñal y ya empesa ataca consu m ismo anac.
El pulis ya habla amediante el ataca del tata consu anac, ya puede pa el solterito sangga maga lanciada rason para sostene este irida na isquierda mano.
Durante el incidente, el otro miembro del familia ya afasigua pormedio de sopla na cabesa del tata donde ya sostene tambien este contucion.
Ambos conel tata y anac ya lleva na hospital.
Con el tata ya detene despues el curada medical mientras el anac y otro miembro del familia decidido para planta caso con Jaime na corte.
