DEC. 8, 2004 – adlaw ug fiesta sa Immaculada Concepcion, Merkoles, alas 10:30 sa gabii, Barangay Tawagan Sur, human lamang gikan siya sa iyang kaugalingon nga Gasoline Station (SeaOil), si Sultan Abdul B. Marcaban, ABC President ug Punong Barangay, giluthang kini sa wala mailhing mga armado. Si Marcaban naigo sa iyang walang bukton ug sa likod-bahin sa iyang lawas.
Si Marcaban gikan pa sa iyang gasoline station, paingon na unta sa iyang awto pauli sa iyang panimalay.
Apan ang usa ka suod niyang higala iyang gitunolan sa biente (P20.00) pesos, diha na iyang nabati ang buto-buto gikan sa daplin sa kalsada, diin mismo ang natipsingan sa bala sa armalite kadtong gihatagan niya ug kuwarta. Ug dayon siya gidala sa mangitngit daplin sa kalsada aron sa paglikay sa sunod-sunod nga buto sa M-16 armalite rifle.
Milahutay si Marcaban sakay sa iyang awto padulong sa Magboo clinic, sa iyang kaugalingon nga pag-drive aron makaabot lamang sa maong klinika. Luwas na ang iyang kinabuhi, samtang padayon ang pakisusi sa PNP kabahin sa maong hitabo.
