Christmas o’ X’mas-9 ANG LETRA kung titik nga X sa pulong nga Xmass may kagikan kini sa Greek nga katugbang sa letrang CH nga mao ang pulong nga “Christos”, nga nagpasabot nga “Kristo”.
Ang letrang X nagpasabot kini nga Christ sukad pa kini sa mga tuig 1100, AD ug ang pulong usab nga “Xmas” nasangpit kini ug gigamit sa tuig 1551. Walay tumong niini sa pagsulay sa pagwala sa pulong nga Christ gikan sa Christmas.
Ngani, ang mga batid sa mga pulong nag-ingon nga ang pinutol kung abreviation sa pulong Christianity gikan sa pulong nga “Xianity” Ang pinutol nga “Xmas” dili gayod kini isulat pinaagi niini nga “X’mas”.
Ang apostrophe gigamit aron sa paghulip sa giwagtang sama pananglitan sa pulong nga “Rock n’ roll” nga dili gayod kini pagagamiton usab sa pagputol sa pulong nga “X’mas”.
(c) Edgardo Beltran
