Tatay gina alegar pinatay it kaugalingong unga

New Washington, Aklan – Patay rong tatay matapos nga gina alegar piñata it anang sariling unga kabii sa Brgy. Candelaria, New Washington, Aklan.
Rong biktima nakilaea kay Haidee Prado, 59-anyos samtang rong suspek nakilaea kay Ger Prado, 31-anyos tanan residente it nasambit nga lugar.
Suno kay PO1 Aleah Mae Recaeldo it New Washington PNP nga nakabaton sanda it tawag halin sa Community Police Assistance Center (COMPAC) sa Candelaria angot sa insidente ag pag-abot nanda hay nahasubeang nanda nga ginadaea eon ro biktima sa hospital.
Nagderitso sanda sa baeay it mag-ama ag nakita nga may mga dugo sa mosketero it biktima.
Sa imbestigasyon naga guwa nga kabii parehong hilong ro mag-ama may natabong argumento ag komosyon nga nabataian man ngani ko igmanghod it suspek pero uwa nana ginpansina ay permi man nga naga tungki rong daywa.
Nasayuran eamang ro insidente matapos nga mag-adto rong suspek sa anang step sister ag nagsugid nga hapatay nana ro andang tatay rason nga gin advisan imaw nga magsurender sa otoridad ag nag sunod man daya.
Dugang pa gid nga ro ginhimo it suspek sa anang tatay hay ginhigtan na it rattan ro daywa ka alima ag gisongsongan it eambong sa baba.
Nahadaea pa sa hospital pero gindeklara raya nga dead on arrival.
Sa makaron kulong sa New Washongton PNP rong suspek ag magapangatubang it nagakaigong kaso.
Samtang padayon pa gid rong imbestigasyon it mga kapulisan angot sa nasambit nga krimen.

Facebook Comments