ISABELA, NEGROS OCCIDENTAL – Nakuhaan sang apat tanan ka mga armas ang tatlo ka mga close-in bodyguards sang alkalde sang banwa sang Isabela sa ginpatigayon nga raid sang mga katapo sang Provincial Mobile Group pasado las 6 kaina sang aga sa Brgy. 8 kag Brgy. 9, Isabela.
Nakilala ang mga nadakpan nga amo sanday Florentino Lupio, 60 anyos, residente sang Brgy. 9, isa ka retired army sang 6th IB, M/Sgt. Alex Ferrer, 60 anyos, pumuluyo sang Brgy. 8, isa ka katapo sang Special Forces sang Army kag si Neil Ladrido, 49 anyos, tanan sang banwa sang Isabela.
Nakuha kay Lupio ang isa ka .45 calibre nga armas kag 2 ka magazine, samtang nakuha naman kay Ferrer ang 2 kas .45 calibre nga armas kag isa ka magazine kag si Ladrido nakuhaan man sang isa ka .45 calibre nga armas.
Angut sini, ginpahayag ni Mayor Joselito Malabor sa interview sang RMN DYHB nga gin-subject gid man sa search warrant ang iya bodyguards.
Apang iya ginklaro nga ang nakuha ng armas sa ila ang may yara sang nagakaigo nga lisensya.
Sa interview sang RMN DYHB, ginpahayag ni Mayor Joselito Malabor nga gin-subject gid man sa search warrant ang duha niya ka bodyguard.
Suno kay Malabor nga handa ang iya tawo magpakita sang nagakaigo nga dokumento angut sa ila ginahuptan nga armas. /DYHB NEWSROOM
