Roxas City, Capiz – Ginpanginbulahan ni Dr. Editha Alfon, University President, ang tatlo ka mga Electrical Engineering Students sang Capiz State University nga nag pangibabaw sa September 2017 RME Registered Masters Electrician Board Exam.
Suno kay Alfon ini ang labing una nga kahigayunan nga nag-angkon sila sang top 1 sa nasambit nga pasinawan nga nakuha ni Clint Kenneth Untayao Reducto samtang top 7 naman si John Louiese Estopil Villadore kag yara sa top 8 si Edcel Villa Icalina.
Nagapati si Dr. Editha Alfon nga magaserbe ini nga insiprasyon kag pagpanghangkat sa mga Engineering students nga magakuha man sang board exam sa palaabuton.
Suno pa sa iya nga nangin lyabi sang kadalag an sang mga topnotchers ang bulig kag suporta sang ila pamilya kag mga manunudlo.Ginpahayag dugang ni Alfon nga may pagabatunon nga cash incentives ang mga estudyante nga makasulod sa top 10 sa mga ginakuha nga board examinations kun sa diin P20,000 ginahatag para sa top 1; P10,000 para sa top 2 kag P5,000 sa top 3-10.
