Tatlo ka mga persona nga nagahampang sang Tong-its, dakop sang mga kapulisan sa Barangay Inzo Arnaldo, Roxas City

7

Roxas City, Capiz – Magapangatubang sang kaso nga paglapas sa Presidential Decree No. 1602(Simplifying And Providing Stiffer Penalties for Violations of Philippine Gambling Laws) ang tatlo ka mga persona nga nadakpan sang mga kapulisan nga nagahampang sang Tong-its sa Mejorada Subdivision, Barangay Inzo Arnaldo, Roxas City.
Nakilala ang mga nagkaladakpan nga amo sanday Gina Arbolado, 61 – anyos; Maria Elena Bereber, 44 – anyos; kag Bernaldo Venancia nga naaktuhan sang mga kapulisan nga nagahampang sang baraha.
Nadakpan ang mga ini bangud sa nabaton nga panawag sang mga kapulisan halin sa isa ka concerned citizen nga naga report nga may pila ka mga persona nga nagahampang sang tong-its nga wala nagasuksok sang facemask.
Natigayon nga marekober sa posisyon sang mga ini ang gamit nga baraha, P103. 75 nga taya kag lamesa.

Facebook Comments