Panit-an, Capiz – Pilason ang tatlo ka mga persona nga imbolbado sa pagbunggoanay sang duha ka motorsiklo sa Brgy Enseñagan banwa sang Panit-an.
Ginkilala ang mga biktima nga amu sanday Joeven Dordas 20-anyos kag backrider sini nga si Raymund Dizon, 21-anyos nga lunsay mga residente sang Brgy Batabat Maayon Capiz.
Samtang ang driver-suspect nga nakabunggo sa mga ini amo ang ginkilala kay Tito De Juan, 20-anyos kag residente sang Batabat Maayon Capiz.
Ang mga ini ang lunsay nag-angkon sang mga pilas sa lawas kag gindangat naman sa ospital para nga mabulong.
Nahibaluan nga nagasundanay ang mga ini halin sa banwa sang Maayon kag ginasubay ang dalan padulong sa Bailan Pontevedra sa diin paglab-ot sa Brgy Enseñagan Panit-an, wala makontrol ni De Juan ang manibela sang motorsiklo nga ginadala kag aksidente nga nasanggit ang motor nga ginasakyan sang mga biktima.
