Roxas City, Capiz- Tatlo ka mga persona ang nagkaladakpan sa ginkasa nga buy bust operation sang mga kapulisan sa banwa sang President Roxas kag Roxas City kagab-I.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang subject person nga nakilala kay Domingo Alonzo y Madohinog, 36-anyos sang Barangay Poblacion(Elizalde), President Roxas, Capiz.
Natigayon nga marekober sa posisyon ni Alonzo ang tatlo tanan ka sachet sang suspected shabu, P1000 nga buy bust money kag isa ka unit sang cellphone.
Samtang sa pihak nga bahin, arestado man ang duha ka persona sa ginkasa nga buy bust operation mga alas 10:30 sang gab-i sa Brgy Banica syudad sang Roxas.
Kabug-osan nga pito ka sachet sang suspected shabu ang narekober kanday Anthony Asiatico sang Brgy Tanque kag Jessa Acutillar sang Brgy Dayao.
Nakuha man sa mga ini ang 500 pesos nga buy bust money, 4, 000 pesos nga cash, isa ka unit sang digital weighing scale, cellphone, motorsiklo kag isa ka unit sang .357 revolver nga may lima ka bala.
📷 Punong Barangay Jeffrey Dela Cruz
