Nag-establisar na sang tatlo ka vaccination sites ang Koronadal City para sa patigayunon nga vaccination roll-out program sa COVID- 19 sa tion nga may bakuna na para sa target population sa syudad.
Suno kay OIC City Health Officer Dr. Editho Vego nahamtang ang nasambit nga mga vaccination sites sa GPS district, Concepcion kag Brgy. Zone 4.
Pahayag ni Dr. Vego nga ang ginapreparahan gid nila sa subong ang vaccination program sa 53k ka target population sa tion nga dungan nga mag-abot ang vaccines kag ipatuman sa sulod lang sang pito ka adlaw ang pagbakuna tungod nagakinahanglan suno pa ini sang madamo nga workforce.
Napaidalom naman suno pa sa iya sa orientation ang mga vaccinatior dire sa syudad sang Koronadal sa tion nga mag-arangkada na ang mass vaccination.
Sa subong yara sa 100 ang vaccinator nga workforce sang city health office nga makabig kulang suno kay Dr. Vego, apang may mga nagapalab-ot man suno pa nga handa magbulig.
Samtang ginkumpirmar ni Dr. Vego nga base sa assessment sang Department of Health 12 sa kahandaan sang mga LGU`s sa vaccination roll-out program isa ang syudad sang Koronadal suno sa iya ang nakapasar.
