Tatlo ka mga kandidato ang tigayon nga nagfile sang certificate of candidacy sa posisyon nga house of representative sa first district sang South Cotabato sa Provincial Comelec Office.
Ang mga nagfile amo sanday anay Polomolok Mayor Isidro Lumayag sa idalom sang Partido Federal ng Pilipinas, Former Tampakan Councilor Richard Ross Barroso kag Polomolok Incumbent Councilor Atty. Leo Cordova nga pareho independent.
Suno kay Lumayag ang nagtulod sa iya nga magpapili ini agud makahatag liwat sang serbisyo kag matutukan ang tatlo ka mga banwa kon ang development ang pagahambalan.
Ginpaklaro niya man kon ano ang rason sang iya pagbalhin sang partido, suno sa iya kon indi mag-upod sa administrasyon wala sang tyansa.
Luyag naman ni Barroso nga tutukan ang programa para sa kabataan, agrikultura kag kon paano makabulig sa pagdamo sang investment scheme nga mahimo nga legal kag iban pa.
Paghatag sang serbisyo sa katawhan sa banwa sang Tupi, Tampakan kag indi lang sa Polomolok ang rason niya kon ngaa magpapili bilang kongresista sang first distritct suno kay Councilor Cordova.
Tutok man niya ang programa sa edukasyon kag health.
Ginpahayag man ni Cordova nga politika man lang ang pagkontrahanay nila sang former alkalde sang Polomolok kag indi siya ang ginsuportahan sang Partido Federal ng Pilipinas sa South Cotabato.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
