Tatlo ang pilason sa paglab-anay sang isa ka pamilya sa barangay Lab-on, Igbaras, Iloilo pasado alas 5 kahapon sang hapon (Marso 7).
Pareho nga gindala sa ospital ang mga biktima nga sanday Juanito Mampula, 69 anyos sang nasambit nga lugar nga yara karon sa Guimbal District Hospital kag si Gregorio Mampula, 64 anyos nga gindala naman sa Western Visayas Medical Center.
Samtang ang suspek nga si Franklin Mampula, 32 anyos ang may pilas man sa agtang kag gindala sa Guimbal District Hospital apang gindala sang pulis sa prisuhan matapos mahatagan sang nagakaigo nga pagbulong.
Ginpahayag nga masami nga nagamauy ang suspek sa ila lugar kag kahapon sang hapon, ginlaot sini sang binangon ang iya pakaisan nga si mark mampula kon sa din gintambagan sila nanday juanito kag gregorio mampula nga amo naman ang ginpanglabu sang suspek.
Bangud sini, nagbalik naman si Mark mampula nga may bitbit nga wasay kag nalampusan sa ulo ang suspek nga napilasan man sa agtang.
