CAUAYAN CITY – DEAD ON ARRIVAL ANG TATLONG LALAKI MATAPOS MASANGKOT SA AKSIDENTE SA BARANGAY DADAP, LUNA, ISABELA DAKONG ALAS-12 NG HATINGGABI NG BIYERNES, NOVEMBER 07, 2025.
BATAY SA ULAT MULA SA LUNA MUNICIPAL POLICE STATION, SANGKOT SA AKSIDENTE ANG ISANG SKYGO SINGLE MOTORCYCLE NA MINAMANEHO NI ALYAS JONG, KASAMA ANG BACKRIDER NA SI CHESTER, KAPWA RESIDENTE NG NASABING BARANGAY, AT ISANG EURO 155 SINGLE MOTORCYCLE NA MINAMANEHO NAMAN NI ALYAS “ANDOY”, NA RESIDENTE NAMAN SA BARANGAY LABINAB, CAUAYAN CITY.
AYON SA IMBESTIGASYON, BINABAGTAS NG MOTORSIKLO NI JONG ANG DIREKSIYONG PAPUNTANG BYPASS ROAD HABANG PATUNGONG KABALIGTARANG DIREKSYON NAMAN SI ANDOY. SA HINDI INAASAHANG PANGYAYARI, NAPUNTA UMANO SA KABILANG LINYA ANG MOTORSIKLO NI JONG, DAHILAN NG MATINDING BANGGAAN NG DALAWANG MOTORSIKLO.
AGAD NA ISINUGOD ANG TATLONG BIKTIMA SA CAUAYAN DISTRICT HOSPITAL, SUBALIT IDINEKLARA SILANG DEAD ON ARRIVAL BANDANG ALAS-2:04 NG MADALING-ARAW.
PANUORIN ANG KANYANG NAGING PAHAYAG: CLICK HERE!
SA NGAYON, NASA KUSTODIYA NA NG LUNA POLICE STATION ANG MGA SANGKOT NA MOTORSIKLO PARA SA MASUSING PAGSUSURI.
PATULOY NA GUMUGULONG ANG IMBESTIGASYON UPANG MALAMAN ANG TUNAY NA DAHILAN NG INSIDENTE.
