General Santos City–Gikinahanglan nga kanunay nga respituon ang tawhanong katungod sa mga akusado nga masikop sa kapulisan, mao kini ang nahimong pamahayag ni Police Sr. Supt. Raul Supiter sa nahimong pakighinabi kaniya sa hugpong sa mga media sa Camp Fermin Lira Atol sa ilang flag raising ceremony niadtong Lunes dungan sa selebrasyon sa International Human Rights Week.
Gipasalig ni Police Sr. Supt. Supiter nga kanunay nila nga unahon ang mga tawhanong katungod sa ilahang mga dinakpan ug siguruon nga dili sila makasulay ug pang-abuso sa kamot sa mga pulis nga mudakop kanila.
Daku matud pa ang pagtuo niini nga isip tawo aduna gyu’y mga sayop nga mahimo apan bisan paman sa sala nga nabuhat niini aduna gihapon kini katungod nga mag bag-o.
Dugang pa niini nga ang kapulisan matud pa ang nag-unang advocate sa tawhanong katungod. (Dave Silagan)
