Davao City – Patay ang usa ka 58 anyos lalake human gidunggab alas otso sa gabii natigayun sa Purok 15 Budbud Bunawan district ning dakbayan.
Subay sa report gikan sa Bunawan PNP naila ang biktima nga usa ka Ricardo Ramos Cervantes samtang ang suspetsado ginganlag Joseph Lanaban Abarte, 42 anyos parehong nagpuyo sa nasampit nga lugar.
Nigawas sa pasiunang inbistigasyun ni PO2 Noel Tapere ang inbestigador sa Bunawan PNP, gisugilon sa live-in partner sa biktima nga si Marites Mahilum nga samtang didto sila sa haya sa ilang apo sa may Budbud Bunawan, niadtong tungora wa kabantay ang biktima kalit giduol sa suspetsado dayun gidunggab tumong sa dughan hinungdan sa hinanaling kamatayon sa biktima. Human sa hitabo, ang suspitsado daling nisibat padulong sa Davao Del Norte.
Migula sa pasiunang imbistigasyon, dumot o panagbangi ang motibo sa pagdunggab-patay samtang ang patayng lawas sa biktima anaa na gihaya sa Rivera Funeral Homes sa Licanan, Bunawan samtang ang kapulisan padayun pang naglusad og hot operation aron madakpan ang suspek.
Kasamang Don Pulayao
