Nagabitay na sa sanga sang paho/ mangga sang maabutan sang iya iloy ang 43 anyos nga anak kagab e April 28, 2019 sa Brgy.Poblacion, Patnongon, Antique.
Ginkilala ang biktima kay Albert Casanova y Sebullen 43 anyos kag tumandok sang Brgy. Poblacion Tibiao Antique apang temporario nga nagapauli sa Real Street Poblacion Patnongon Antique kon sa diin natabo ang insidente.
Sa inisyal nga imbestigasyon sang Patnongon MPS sa pagpamuno ni PMaj. Alfredo Sumaray Jr. OIC sang Patnongon PNP alas 8:45 kagab e nakit an sang iya iloy nga nagabitay ang biktima sa sanga sang isa ka mangga gamit ang iya mismo nga paha. Gilayon ng nagpangayo sang tabang ang iloy sang biktima sa mga nakaduty nga Brgy. Tanod apang sang dal on ini sa MHO ginconfirmar ni Dr. Solomon Pacheco,MHO Patnongon nga ginbawian na sang kabuhi.
Base sa impormasyon nagapangatubang ini sang kaso angut sa druga apang Acquited sa kaso kasan o lang. Ginapasuni nga planted gid lamang ang nasambit nga operasyon sang mga kapulisan sang ini ang gindakop. Suno pa sa pagpangusisa nga nagluntad ang indi maauo nga relasyon sa tunga sang iya pamilya pagkatapos nga nahunong ini sa nasambit nga kaso kag sang nakagwa na nagpabilin nga problema ang relasyon nla sang iya pamilya.
Sa reaction naman sang suod nga pamilya nangin kabahin sa pagbasul ang ginhimu nga pagdakop sadto sa biktima kon sa diin gintuan sang pagkaguba sang iya sini pamilya.
Ginapatihan nga problema sa panimalay ang gintunaan sang iya nga paghikog
Sent from my iPhone
