ILOILO CITY – Luyag nga makilala ni acting City Mayor Jose Espinosa III kun sin-o ang naghatag sang pahanugot sa mga nagabaligya sang ukay-ukay sa plaza sang Jaro.
Suno kay Espinosa, nakahatag sila sang permit sa grupo ni Dr Ronbe Fernandez- sang Iloilo City Association of Community Elders, Inc. agud makabaligya sang mga bulak kag mag tanom.
Ginpahayag ni Espinosa nga natingala sya kun ngaa may mga ukay-ukay kag nagatakod pa sang kuryente sa linya sang syudad.
Subong nga adlaw ipatawag ni Espinosa ang mga natungdan agud mahatagan sang kasanagan ang ginareklamo nga pagnegosyo sa plaza sang Jaro.
Kahapon ginpautod ni Espinosa ang linya sang kuryente sa mga kiosk sa plaza bangud ilegal ang connection sang mga ini.
