Tawong mipusil patay sa kanhi kapitan sa Gingoog City, padayong gipangita

PC: Gingoog City Police Station

Padayon ang gipahigayon nga hot pursuit operation sa kapolisan sa Gingoog City Police Station aron madakpan ang suspek sa pagpusil patay sa kanhi Kapitan sa San Luis, Gingoog City.

 

Matud ni Police Lt Col. Ariel Phillip Pontillas, nga naila ang biktima nga si Alexander Militante Mandamento, 47 anyos,  napiling kagawad sa nasangpit nga lugar.

 

Sa imbestigasyon nga gihimo sa kapolisan, nagtindog ang biktima atubangan sa usa  ka  tindahan, apan kalit kini nga gipusil sa suspek nga sakay sa usa  ka motorsiklo padulong sa Medina, Misamis Oriental ang direction.


 

Igo pinusilan sa ulo ang naangkon sa biktima nga maoy hinungdan sa iyang kamatayon.

 

Nasayran nga gisulayan pa og dala sa hospital ang biktima, apan  dead on arrival kining gideklara sa doctor.

Facebook Comments