Malampuson nga nadakpan sa kapolisan sa Maramag, Bukidnon ang tulo ka mga lalaki human sa gihimong buy bust operation sa P-1 South Poblacion, Maramag, Bukidnon.
Mga dinakpan nailang sila Patrick John Vina (Vinya), alyas Doc Humer, 22 anyos, ulitawo, usa ka mag-uuma, taga Gadungan, kilikili wao- Lanao Del Sur, Abdullah Buisan, 19 anyos, mag-uuma, ug Aron Ali, 20 anyos, ulitawo.
Narekober sa posisyon ni Vina (vinya) ang usa ka big rectangular heat sealed transparent plastic sachet sa gituohang shabu, usa ka color pink LCC lighter, usa ka Q-net cellphone, usa ka Asus cellphone, usa ka motorsiklo ug yabe.
Samtang narekober usab sa suspek nga si Buisan, ang usa ka one thousand peso bill nga gigamit nga buy bust money, ug nakuha kang Ali ang usa ka unit sa color red nga motorsiklo nga nagdala sa plate number nga 1453 KO.
Matud sa kapolisan nga ipaubos ang mga suspek sa drug test examination samtang ang mga nakuhang ebidensiya ang ipaubos sa qualitative and quantitative examinations.
Ang maong operasyon ang inubanan sa presensiya sa usa ka kagawad sa Poblacion, Maramag, Bukidnon.
