Sarangani Province–Extended karon ang tax amnesty sa Sarangani Province, buot pasabot aduna pay tulo (3) ka bulan gikan karong Oktubre hangtud Disyembre nga bayaran sa mga delinquent real property taxpayers ang ilang buluhisan, partikularminte ang pagbayad na lang sa principal amount, dili na bayaran ang interest, penalty and surcharges.
Nagkauyon ang mga local officials nga lugwayan ang panahon sa tax amnesty hangtud December 31, 2018 aron tagaan og higayon ang tanang indibidwal, kahugpungan og mga korporasyon nga mahaluna ang ilang balayrunon sa treasurer’s office basi na usab sa assessment nga gibuhat sa Provincial Assessor’s Office.
Adunay pasiunang nakolekta ang Provincial Treasurer’s Office nga P22 Milyones ka pesos, apan kung pahimuslan sa tanan hilabi na sa telco kon telecommunication company ang maong tax amnesty, basin malagpasan pa ang target collection nga muabot og hapit P300 Milyones ka pesos pabor unya sa padayon nga pagbubo sa mga programa og proyekto sa Sulong Sarangani development program ni Governor Steve Chiongbian Solon.
