Malaybalay City, Bukidnon – Gipasigarbo ni Presidential Communications Secretary Martin Andanar ang bag-ong pirmang Tax Reform for Acceleration and Inclusion (TRAIN) law.
Sa interview sa RMN Malaybalay ngadto kang Andanar, gibuyag niini nga 99 percent ka mga taxpayers ang makapahimulos sa tungod sa tax reform package.
Sigun niini nga malibre na sa paabayad sa buhs sugod Enero 2018 ang tanang mga trabahanteng mi-sweldo sa dili mutaas sa P250,000 kada tuig.
Samtang gisiguro usab ni Andanar nga adunay mamugna nga daghan trabaho sa sunod tuig tungod sa “build, build, build program sa administration.
Deretcho matud pang mupaingon ang mga buhis sa katawhan sa pagmugna ug trabaho, pagtukod ug daghang mga imprastruktura ug uban pa nga mapahimuslan sa katawhan.
