Davao City – Gireklamo sa usa ka babaye ang usa ka taxi driver sa dihang nag pakita kini og dili maayong binuhatan sulod sa iyang taxi.
Ang complainant giilang alyas Lily, hamtong ang pangidaron ug residente sa may R. Castillo Agdao ning siyudad.
Sumala pa niini nga sa pagsakay niya sa maong taxi, daghan kuno og personal nga pangutana ang maong driver diin pag-abot nila sa may Ecoland terminal nagpasalida kuno’g porn movies ang driver gikan sa iyang android phone ug gipakusgan ang volume niini.
Dugang sa complainant nga gisultian siya sa driver nga ‘ayaw na og bayad maam, kadali lang gud’ hinungdan nabalaka na pag-ayo ang maong babaye.
Pag-abot sa destinasyon dali siyang mibayad og wala na kwaa ang kambyo ug daling mireklamo sa buhatan Talomo PNP ug ang kaso gi-endorso na ngadto sa Land Transporation Office (LTO).
RadyoMaN Paul Canono
