Gitambungan sa mga opisyal sa transportasyon ug stakeholders alang sa ‘Presentation of Taxi Guidelines Servicing at Davao International Airport’. Tumong niini aron i-plastar ang mga operasyon sa taxi sa airport.
Sumala ni Engr. Rex Obcena, CAAP Airport Manager, iyang gisaysay ang kamahinungdanon sa pagpakita sa positibong imahe sa syudad, pinaagi sa serbisyo publikong transportasyon.
Ang mga negatibong insidente nga naglambigit sa minoriya sa mga operators, dili angay nga makadaut sa kinatibuk-ang dungog sa sektor sa transportasyon sa Davao.
Nagpasidaan usab si Nonito Llanos III, LTFRB-Xl, Regional Director sa mga operators sa pag-atiman sa ilang Certificate of Public Convenience (CPC) nga kinahanglang gamiton sa responsableng pamaagi pinaagi sa kooperasyon, aron mamentinar ang serbisyong Comfortable, Affordable, Safe, Sustainable, and Accessible (CASSA).
Subay sa mensahe ni Davao City Mayor Sebastian Duterte, nagpahinumdum sa kamahinungdanon sa luwas nga pagsakay sa publiko pinaagi sa ‘Basta dabawenyo, DCplinado’ ug nagpresentar og bag-ong mga sistema, lakip na ang Driver Information Management System (DIMS) ug City Apprehension Management System (CAMS)
RadyoMaN Don Pulayao
