Giisip ni City Councilor Atty. John Gil Unay nga usa ka dakung hagit sa iyang panerbisyo isip sakop sa Sangguniang Panlungsod ning syudad ang pagkapili niini isip bag-ong Chairman sa Committee on Franchise and Licenses sa Konseho.
Sa paggunit sa maong komitiba atubangon ni Konsehal Unay ang problema sa transportasyon dinhi sa dakbayan sa Butuan ilabina sa hisgutanan sa mga prangkisa diin nagpagawas ug moratorium si Mayor Ronnievic Lagnada sa paghatag ug dugang prangkisa sa mga tricycle.
Ubos sa iyang komitiba tun-an sa Konseho ang hugut nga pagpatuman sa moratorium nga gipagawas sa Mayor niadtong tuig 2016 aron matagaan ug pamaagi ang pagsulod usab sa laing transportasyon dinhi sa syudad sa Butuan, ang taxi.
Gusto ni Mayor Lagnada nga matutukan ang paghatag ug operasyon sa Taxi dinhi sa dakbayan human kini gigahinan ug prangkisa sa Land Transportation Franchising and Regulatory Board (LTFRB) Caraga. [image: atty unay.jpg]
#Butuancity <www.facebook.com/hashtag/butuancity?source=feed_text&epa=HASHTAG&__xts__%5B0%5D=68.ARCZUxHyPd27jU10w9o5542EkWvItNtd-gOLLnuiumUyFKHegbNmzLdqX6nZe-beHCYVHpH3n1DNYKnLN3nArbthDGGmhDsgkEvfhyTDKtIW9iJtMg…>
