Teacher’s salary hike hulaton lang

17

Davao City – Mas maayong magpaabot lamang una ug dili dayon molusad ug protesta ang mga magtutudlo sa isyung salary increase tungod lamang kay wala mahatag ang gisaad nga usbaw sa ilang sweldo ni Pres. Rodrigo Duterte.

Sumala ni Maria Teresa Golina, usaka negosyante ug adunay anak nga nagtungha kaniadto, angay sabton usab sa mga teachers nga daghang mga problemang gi-atubang ang nasud usa na niini ang pagbuto sa bulkang Taal nga daghang mga biktimang tabangan, linog, mga OFW nga naapektohan sa giyera sa Tungang Sidlakan ug uban pang mga suliran hinungdang wala dayon mahatagi’g pagtagad sa pamuno- nasud ang usbaw sa suholanan sa mga teachers.


Giklaro ni Golina nga angayan gayud nga usbawan ang sweldo sa mga magtutudlo ilabi na karong panahona nga taas usab ang presyo sa mga palaliton.

Apan gipasabot ni Golina nga dili maayo sa usa ka maestro o maestra nga mag-apil apil sa mga lihuk-protesta ilabi na nga sila ang gihimong modelo sa atong mga kabataan.

RadyoMan Bernard Pantallon

Facebook Comments