Tricycle driver calaboso

14

Calaboso el un 61-anio de edad tricycle driver despues ya reclama contra conele el maga familia del cuatro maga bata moher por el alegao abuso sexual y ta bende pa le conestos na otro maga hombre.

Na sketchy report ya puede sabe el RMN Zamboanga hinde lang unavez el soseso donde el suspechao pirmi ta lleva munt ana tricycle con el maga bata y mete con estos pormedio de agarar y hasta peyne ta chucha na parte del maga bata y ta endelga pa le na otro hente encambio el tal cantidad.


Sabado aga cuando mismo el maga familia del uno del cuatro bata ya puede columbra con el suspechao ta maneha tricycle y muntao el maga bata pasando na Alfaro Street na Tetuan y dayun ya aguanta conele y ya lleva na estacion del Tetuan.

Ya detene con el suspechao mientras ya hace entrevista el maga pulis con el maga bata y amo el diila revelacion.

Nohay pa dale el nombre del suspechao porcausa ta continua pa el investigacion este maga momento.

Facebook Comments