Davao City – Dismayado karon ang Alliance of Concerned Teachers (ACT) Davao City Division tungod sa pakyas nga pasalig nga usbawan sa estado ang panuholan sa mga state educators.
Sumala ni ACT Davao City Division President Reynaldo Pardillo, angayan lamang nga increasan ang ginadawat nga sweldo nilang mga magtutudlo ilabi gumikan sa kamahal na karon sa mga palaliton ug aron mupaigo ang ilang binulang kinitaan diha sa aktwal nga mga panginahanglan sa matag magtutudlo.
Sama sa kasundaluhan ug kapulisan ug gikonsiderang ‘backbone of the economy,’ angayan lamang ang maong wage adjustment, matud ni Pardillo.
“Dili naman gud mi bata nga saad-saaran, unya pagkahuman, dili diay ihatag…isip usa ka magtutudlo ug kabahin sa (mga) kawani sa gobyerno, nadismaya gyod mi kay nagpaabot, nangamuyo, nag-ampo mi nga unta naa gyuy salary increase,” dugang ni Pardillo.
Gidepensaan usa niini ang gihimong pag-rally sa mga magtutudlo sa kaulohang Manila sanglit nahimo lamang kadto aron madungog gayud sa gobyerno ang ilang mga mulo.
RadyoMan Aimee Guinita
