Pagadian City – Break una sa trabaho ang mga opesyal ug pipila ka miyembro sa Kapisan ng mga Broadcaster sa Pilipinas ( KBP-Zamboanga del Sur ) aron hatagan og luna ang kaugalingon pinaagi sa educational tour and team building nga gihimo didto sa probinsya sa Maguindanao.
Maundanon, malipayon ug malampuson ang gihimong pagbisita sa grupo sa mga sisibya sa Masjid Dimaukom o Pink Mosque nga nakabase sa Datu Saudi Ampatuan, Maguindanao.
Sumala sa mga tigdumala niini, ang kolor pink timaan sa kalinaw ug gugma maoy hinungdan nga gipili kini ni kanhi Mayor Samsodin Dimaukon.
Human niini ang grupo nga gipangunahan ni KBP Chairman Melchor Coronel nakahukom nga muduaw sa Lake Buluan diin mikabat pa sa kapin usa ka oras byahe ayha nidangat sa parte sa lake nga tinubdan sa Methane Gas.
Ang gisakpan ni Congressman Zajid ‘Dong” Mangundadato ang nigiya aron maka-abot ang grupo nga luwas sa lugar.
Bisan sa init nga panahon ug kataas sa byahe dili kini babag sa grupo aron masinati ug mahimamat ang mga lumulupyo sa ubang probinsya sa Mindanao.
