Roxas City, Capiz- Lima ka mga persona ang natigayon nga madakpan sa ginkasa nga operasyon sang mga katapo sang PDEA-6 sa ginapahayag drug den sa Golden Village, New Road, Barangay Banica, Roxas City takna 6:30 sang gab-e.
Ginkilala ang mga arestado nga amu sanday Olime dela Cruz,35-anyos; Richard Manalo,29-anyos sang Barangay Tanque; Roberto Barredo,31-anyos residente sang Brgy. Linateran, Panay; Mark dela Cruz,21-anyos kag John Michael Dela Cruz,32-anyos ang pang-edaron.
Samtang nakapalagyo naman ang isa sa mga subject nga ginkilala kay Tony dela Cruz.
Nahibaluan nga base sa impormasyon sang PDEA-6, si Olime dela Cruz amu ang nagadumala sa amu nga drug den.
Narekober sa mga ini ang kabug-osan nga 20 ka sachets sang suspected shabu kag ginabanta nga nagabalor sang P180,000 ang street value, mga drug paraphernalias, mga cellphones kag cash.
Magapangatubang ang mga nagkaladakpan nga pesona sang kaso nga pagbayolar sa R.A. 9165 ukon Comprehensive Dangerous Drugs Act of 2002.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
