Nakalusot na ang mga boxers sa Cagayan de Oro sa PSC-Pacquiao Amateur Boxing Cup finals human gidominar ang semi-final rounds nga walay pildi.
Gilangkuban sa 12 ka mga boksidor sa Cagayan de Oro amateur boxing team ang niabante na sa national finals sa Philippine Sports Commission – Pacquiao Amateur Boxing Cup nga ipahigayon karong Marso 27-29 didto sa Davao City.
Kini human nangharos ang Cagayan de Oro City Amateur Boxing Team sa PSC-Pacquiao Cup Semi-finals nga gipahigayon bag-ohay lamang sa Covered Court sa Brgy. Macasandig ning syudad kung diin nag-agbat ang mga boxing teams sa pulo sa Mindanao.
Gikaintapan ug gikahadlokan ang Team CDO sa maong torneyo human migula kini nga wala makatilaw ug pildi sa tanang bouts nga giapilan ni-ini atol sa semi-finals.
Matud pa ni Team CDO head coach Elmer Pamisa nga sigurado na nga makadawat ug silver medal ang matag finalist kung mapakyas man kini sa ilang laraw sa finals nga makakuha ug bulawan nga medalya.
Nagpasalamat ug dako si Coach Elmer Pamisa sa lahutay ug hugot nga suporta ni City Mayor Oscar Moreno nga maoy nakadasig sa mga boksidor sa ilang pagpaningkamot nga makahatag ug garbo ug dungog alang sa atong syudad sa Cagayan de Oro.
Naa ka bay reaksyon sa maong estorya? Mamahimo nimong ipabuhagay sa ubos ug mamahimo sab nimong i-like ang among facebook page iFM CDO alang sa dugang impormasyon ug kalambuan sa atong palibot.
Sources from City Information Office. v�q��
