Nauyunan sa gipahigayong Congressional Public Hearing tali sa Manobo-Talaandig ug sa Central Mindanao University kabahin sa ancestral domain claim nga magtukod og Technical Working Group (TWG) Task Force nga maoy magatutok sa maong hisgutanan.
Pagalangkuban sa Manobo-Talaandig Indigenous People’s (IPs), mga kawani sa National Commission on Indigenous People’s (NCIP), CMU, Department of Environment and Natural Resources (DENR), Department of Agrarian Reform (DAR), kapulisan, ug uban pa ang maong working group.
Muabot sumala pa sa kinatibuk-ang 2,801.2973 ektaryas ang luna nga gina-ilugan nga nahimutang sa Barangay Dologon ug Barangay Kisanday sa lungsod sa Maramag, ug Barangay Barobo ug Lumbo sa siyudad sa Valencia.
Gipasiugdahan ni Congressman Allen Jesse C. Mangaoang, Chairperson sa Committee on Indigenous Cultural Communities and Indigenous People ang pag-imbestiga, agig tabang sa balaod ang dugay na nga panagbangi sa Manobo-Talaandig ug sa Central Mindanao University.
Facebook Comments
