Roxas City, Capiz – Nag-umpisa na kahapon nga adlaw ang Technofest 2019 sa Capiz State University, Dayao Satellite College. Suno kay Dr Editha C. Alfon, ang nasambitan nga technofest ang labing una nga igapatigayon subong nga 2019 kag ginalauman nga masundan sa masunod nga nga tinuig.
Sa opening, yara ang presensya ni Roxas City Mayor Ronnie Dadivas, Provincial Administrator Edwin Chinel Monares samtang nangin keynote speaker amo naman si 2nd district Congressman Fredenil Castro. Sa amo nga Technofest 2019, gin-exhibit ang pila ka mga imbensyon kag research sang mga estudyante sa CAPSU nga pat-od may yara sang mabulig sa teknolohiya ilabi na sa negosyo.
May yara man sang mga booth kun sa diin makit-an ang produkto nga halin sa iban nga banwa sa Capiz. Nahibauan nga ang nasambitan nga mga reasearch kag trainings partikular sa social science, fisheries aquaculture, horticulture kag iban pa ang ginapondohan man sang Departmet of Science and Technology (DOST).
Magadugay ang Technofest 2019 sa Capsu tubtob sa December 11. Ini ang may yara sang tema nga “Academe-Industry Connect Through Innovate RDE”.
photo(c)- Capiz Kabalaka Information Center
