Davao City – Gi-discourage karon ni Davao City Tourism Office Head Generose Tecson ang publiko nga molambigit og negosyo sama sa pagpangutang pinaagi sa online lending o dili ba kaha magpalit og produkto gamit ang social media.
Sumala ni Tecson, lisod musalig sa negosyo kun pautang diha sa online kay wala ka masayod kun kinsa ang imong gika-transact ug dili usab masiguro kun lehitimo ba o gamit sa modus operandi ang site kun Facebook account ang masudlan kun ma-click.
Ug may dakung posibilidad usab nga mabiktima sa cyberbullying kun sa pagpakaulaw ang usa ka tawo labaw na kun dili makabayad sama sa ubang tawo nga nangutang sa online apan dihang wala makabayad gihimong sumsuman sa tsismis sa social media.
Ang ingon ani nga matang sa negosyo kun pautang pinaagi sa online angay nga maundang ug lutuson sa mga tinugyanan sa balaud aron mukaon og tagam ang mga anaa sa likod sa online lending ug uban pang klase sa patigayon gamit ang internet, dugang ni Tecson.
RadyoMaN Joel Viray
