Davao City – Gipahimangnoan ang publiko ilabina kadtong hilig mag-book sa ilang travel online nga segurohong lehitimo kini.
Gi-awhag ni Davao City Tourism Officer Generose Tecson ang tanan nga mangutana kung aduna bay business permits ang mga tour operators nga naga-offer online og package tour sa usa ka destinasyon.
“People should do their diligence, they should do their assignment also,” segun ni Tecson.
Gisaysay niini nga sagad sa katawhan madani gilayon panahon kung adunay makitang baratong offer online.
“Tinanong mo ba kung may business permit? Or tourism license? Yung tour guide lisensyado ba? You have to investigate also kung okay ba yan o hindi kasi ‘pag mura masyado (dapat) magduda ka na.”
Gipasabot niini nga panahon nga walay insurance ang usa ka tour operator, wala usab karapatan magreklamo ang ni-avail nga konsumante panahon nga adunay di maayong mahitabo sa ilang byahe.
Gani sumala niini nagahatag usab sila og ID ang City Tourism Office (CTO) ug Department of Tourism (DOT) sa mga lehitimong tourist guides.
Gitataw ni Tecson nga walay laing mabuhat ang ilang buhatan kon dili i-block ang mga ma-identipika nilang illegal tour operators aron dili na makakuha pa og lisensya.
Giseguro usab niini nga gukdon nila ang mga malapason ilabi na kadtong makita sa social media diin ilang ginapaimbestigahan.
Dugang sa City Tourism Officer, nakipagstorya na sila sa mga ahensiya ug opisina nga mamahimong makatabang kanila.
RadyoMaN Jason Amisola
