Davao City – Dili angayang mahadlok ang mga Davaoweños kabahin sa 2019 novel coronavirus acute respiratory disease (2019-nCoV ARD) bisan pa man ug aduna nay usa ka kaso sa Pilipinas nga natala sa Department of Health (DOH).
Sumala ni Davao City Tourism Officer Generose Tecson, basta motuman lang kita sa mga proseso nga gihanyag sa Department of Health (DOH-XI), daku ang tsansang dili kita mataptan sa maong balatian.
Matud ni Tecson nga aron dili mokuyanap ang maong sakit, gikinahanglang healthy ang lifestyle sa atong pamilya ug kaugalingon usa na niini ang kanunay nga paghugas sa mga kamot ug paggamit sa alcohol or hand sanitizers.
Samtang gipasabot usab ni Tecson nga dili kita angay mabalaka mabalaka kung monihit ang face mask tungod kay ginagamit lamang kini niadtong adunay mga sakit ug wala nagpasabot nga ang naggamit niini duna nay coronavirus.
Gitataw usab sa city tourism chief nga mamahimong diskriminasyon ang atong gihimo karong mga lakang batok niining maong balatian.
RadyoMan Bernard Pantallon
