Davao City – Sa akong kabahin, ako nagtoo nga ang maayong kaugmaon sa atong mga anak ilabi na niadtong mga teenagers na anaa gayud sa kamot sa mga ginikanan ug sa nataran sa matag pamilya.
Kun magiyahan lamang gayud sa mga parents ang ilang mga batan-ong mga anak, walay rason nga ang naulahi mapariwara, gani, maseguro pa nato nga mahuman usa sila sa pagtoon kun pag-eskwela haron pag abot sa hustong edad nga sila magdesidir na mga magminyo, andam, hitsas ug tagana na unya sila.
Kun aduna lamang gayuy mo-abay kun mo-agakay sa atong mga kabatan-ona kinsa dili pa kaayo hitsas sa kahibalo, kinaadman ug kahimatngon sa mga isyu sa kilabuhi – sama sa pagpabarug ug ilang kaugalingong pamilya – wala siguroy batan-on nga masugamak sa dautang impluwensiya sa kalibutan, sosyedad, environment ug mga higala diin mas gipasamot pa kini sa presensya karon sa makabuang nga klase sa teknolohiya sama niining social media pananglit Facebook ug uban pa.
Subli-on ko, ang tanan magsumikad gayud diha sa pamilya, katilingban ug sa gobyerno aron ang batan-on maglakat sa dalan nga husto.
RadyoMaN June Duterte
